ბიზნესომბუდსმენის წარმომადგენელი აჭარაში: ბიუროკრატიის გამო ბიზნესი ყველაზე ხშირად შუამდგომლობას ბათუმის მერიასთან გვთხოვს
ბიზნესომბუდსმენის წარმომადგენელმა აჭარაში ტარიელ გიორგაძემ მონაწილეობაა მიიღო აჭარის ა/რ მთავრობისა და ადგილობრივი ბიზნესის შეხვედრაში.
შეხვედრის მიზანი იყო ადგილობრივ კომპანიებსა და პოტენციურ ინვესტორებს გაეცნოთ აჭარის საინვესტიციო პოტენციალი და რეგიონში არსებული ბიზნეს გარემო.
ტარიელ გიორგაძემ სტუმრებს მიაწოდა ინფორმაცია აჭარაში ბიზნესომბუდსმენის აპარატის საქმიანობაზე და აპარატში მომართვიანობის ანალიზის მიხედვით ბიზნესის მხრიდან ყველაზე ხშირად დასმულ პრობლემურ საკითხებზე.
„ბიზნესომბუდსმენის აპარატი 2018 წლის სექტემბრიდანაა აჭარაში წარმოდგენილი და ამ პერიოდის განმავლობაში 50 საქმეზე ვიმუშავეთ. პრობლემური საკითხების უმრავლესობა მშენებლობასა და ინფრასტუქტურის სფეროებიდან გვაქვს და ბიუროკრატიის გამო ბიზნესი ყველაზე ხშირად შუამდგომლობას ბათუმის მერიასთან გვთხოვს. რეგიონებში და აჭარაშიც ბიზნესისთვის კრიტიკულ საკითხად რჩება სწრაფი გადაწყვეტილებები და მცირე და საშუალო ბიზნესისთვის - ფინანსებზე ხელმიმსაწვდომა“ - განაცხადა ტარიელ გიორგაძემ.
